82:1
جڏھن آسمان ڦاٽندو
82:2
۽ جڏھن تارا ڇڻي پوندا
82:3
جڏھن سمنڊ تمام جوش سان وھائبا
82:4
۽ جڏھن قبرون پٽبيون
82:5
(تڏھن) سڀڪو شخص اُھو ڄاڻندو جيڪي اڳي موڪليو ھئائين ۽ جيڪي پوئتي ڇڏيو ھئائين
82:6
اي ماڻھو! تو کي تنھنجي (اُنھيءَ) سڳوري پالڻھار کان ڪھڙيءَ شئي ٺڳيو؟
82:7
جنھن تو کي پيدا ڪيو، پوءِ تو کي سنئين لڱين ڪيائين، پوءِ تو کي برابر ڪيائين
82:8
جھڙيءَ صورت ۾ گھريائين (تھڙيءَ ۾) تنھنجي جوڙ جوڙيائين
82:9
ايئن نہ آھي، بلڪ اوھين عملن جي جزا ڏيڻ کي ڪوڙ ڀائيندا آھيو
82:10
۽ بيشڪ اوھان تي نگھبان (مقرر ٿيل) آھن
82:11
سڳورا، لکڻ وارا
82:12
جيڪي اوھين ڪندا آھيو، سو ڄاڻندا آھن
82:13
بيشڪ ڀلارا (بھشت جي) نعمت ۾ ھوندا
82:14
۽ بيشڪ گنھگار دوزخ ۾ ھوندا
82:15
عملن جي بدلي جي ڏينھن دوزخ ۾ داخل ٿيندا
82:16
۽ اُن کان اُھي لڪل نہ ھوندا
82:17
۽ ڪنھن سمجھايئي تہ عملن جي بدلي جو ڏينھن ڇا آھي؟
82:18
وري (بہ چئون ٿا تہ) ڪنھن سمجھايئي تہ عملن جي بدلي جو ڏينھن ڇا آھي؟
82:19
اُھو ھڪ ڏينھن آھي جو ڪو جيءُ ڪنھن جيءَ کي ڪجھ فائدو پھچائي نہ سگھندو، ۽ اُن ڏينھن (سڄي) حڪومت خاص الله جي ھوندي