87:1
(اے پیغمبر) اپنے پروردگار جلیل الشان کے نام کی تسبیح کرو
87:2
جس نے (انسان کو) بنایا پھر( اس کے اعضاء کو) درست کیا
87:3
اور جس نے( اس کا)اندازہ ٹہرایا (پھر اس کو) رستہ بتایا
87:4
اور جس نے چارہ اگایا
87:5
پھر اس کو سیاہ رنگ کا کوڑا کر دیا
87:6
ہم تمہیں پڑھا دیں گے کہ تم فراموش نہ کرو گے
87:7
مگر جو خدا چاہے۔ وہ کھلی بات کو بھی جانتا ہے اور چھپی کو بھی
87:8
ہم تم کو آسان طریقے کی توفیق دیں گے
87:9
سو جہاں تک نصیحت (کے) نافع( ہونے کی امید) ہو نصیحت کرتے رہو
87:10
جو خوف رکھتا ہے وہ تو نصیحت پکڑے گا
87:11
اور (بےخوف) بدبخت پہلو تہی کرے گا
87:12
جو (قیامت کو) بڑی (تیز) آگ میں داخل ہو گا
87:13
پھر وہاں نہ مرے گا اور نہ جئے گا
87:14
بے شک وہ مراد کو پہنچ گیا جو پاک ہوا
87:15
اور اپنے پروردگار کے نام کا ذکر کرتا رہا اور نماز پڑھتا رہا
87:16
مگر تم لوگ تو دنیا کی زندگی کو اختیار کرتے ہو
87:17
حالانکہ آخرت بہت بہتر اور پائندہ تر ہے
87:18
یہ بات پہلے صحیفوں میں (مرقوم) ہے
87:19
(یعنی) ابراہیم اور موسیٰ کے صحیفوں میں